Літовец арганізаваў групу ашуканцаў, якая разбірала машыны ў Беларусі

• 28.01.2008, 10:41

Беларускія праваахоўныя органы нейтралізавалі групу ашуканцаў, якія разбіралі прыгнаныя з Літвы аўтамабілі на запчасткі.

Увазныя ў Беларусь машыны і фургоны бясследна знікалі, а пазней запчасткі ад іх з'яўляліся на аўтарынках краіны. Для здзяйснення махінацый галоўны арганізатар злачынстваў – грамадзянін Літвы – рэкрутаваў цэлую каманду перагоншчыкаў.

Іншамаркі па прыбыцці на мяжу афармлялі ў часовы ўвоз, пазбягаючы, такім чынам, выплаты мытных пошлін. А на тэрыторыі Беларусі машыны траплялі ў рукі мясцовай групы. Аўтамабілі разбіраліся на запчасткі, а наяўныя на кузаве завадскія нумары знішчаліся.