Донары і ліквідатары заклікаюць Пяткевіч вярнуць ільготы

• 3.01.2008, 16:02

Беларускія донары і ліквідатары наступстваў аварыі на ЧАЭС маюць намер сумесна адстойваць свае сацыяльныя патрабаванні.

Як паведаміў БелаПАН старшыня міжнароднага грамадскага аб'яднання «Саюз-Чарнобыль Беларусі» (Кіеў) Аляксандр Ваўчанін, дамоўленасць пра гэта дасягнутая 3 студзеня па выніках яго сустрэчы з кіраўніком аргкамітэта па стварэнні магілёўскага рэгіянальнага дабрачыннага грамадскага аб'яднання донараў «Кропля жыцця» Ігарам Каваленкам ў Жодзіна.

Вырашанае таксама звярнуцца да намесніка кіраўніка Адміністрацыі прэзідэнта Наталлі Пяткевіч з просьбай аб сустрэчы. Па словах А.Ваўчаніна, прадстаўнікі грамадскіх аб'яднанняў плануюць прапанаваць кіраўніцтву краіны шлях выхаду з сацыяльнага тупіку, у якім яны апынуліся. Акрамя таго, ліквідатары наступстваў аварыі і донары маюць намер прыцягнуць да супрацоўніцтва прадстаўнікоў іншых грамадскіх аб'яднанняў.

Паводле неафіцыйных дадзеных, у Беларусі пражываюць 11.200 ліквідатараў-інвалідаў і 115.000 грамадзян, якія ў 1986–1988 гадах бралі ўдзел у ліквідацыі наступстваў катастрофы на ЧАЭС.

У Магілёўскай вобласці пражывае каля 9.000 дзеючых донараў. Агульная колькасць беларускіх донараў, якія хоць аднойчы здавалі кроў, складае каля 2 млн. чалавек.