Лічбы «скачуць»

• 1.10.2008, 13:00

На некаторых участках назіральнікі змаглі атрымаць звесткі аб выніках раздзельнага падліку галасоў. І вынікі гэтыя дзіўным чынам адрозніваюцца.

Так, на выбарчым участку №7 Баранавіцкай-сельскай выбарчай акругі №7 у скрыні для датэрміновага галасавання апынулася 37 бюлетэняў (2,26%) за кандыдата ад АГП Рыгора Грыка, а за яго канкурэнта - дэпутата парламента трэцяга склікання і чальца КПБ Уладзіміра Майсюка - 607 (37,2%).

У скрыні, куды апускалі свае бюлетэні выбаршчыкі ў дзень галасавання, лічбы значна адрозніваліся: за Рыгора Грыка падалі свае галасы 320 чалавек, што склала 35,8% тых, хто прагаласаў, а за Уладзіміра Майсюка 426 выбаршчыкаў ці 47,65%, паведамляюць "Праваабаронцы за свабодныя выбары".