Уга Чавес выпрабаваў беларускія «МАЗы»

• 6.10.2008, 9:06

Прэзідэнт Венесуэлы Уга Чавес учора сёў за руль аднаго з «МАЗаў», пастаўленых у гэтую краіну Беларуссю.

Як сапраўдны кіроўца, Чавес аб'ехаў на шматтонным грузавым аўтамабілі нафтахімічны комплекс, які будуецца ў штаце Карабоба, і застаўся вельмі задаволены прадукцыяй беларускага аўтапрама. Кіраўнік дзяржавы адзначыў, што «МАЗы» ні ў чым не саступаюць грузавікам вядомых замежных фірмаў, а іх кошт у два разы ніжэй», перадае ІТАР-ТАС.

Чавес даў высокую ацэнку супрацоўніцтву з Беларуссю і Аляксандрам Лукашэнкам. Ён падкрэсліў гатоўнасць Менску перадаваць «сучасныя тэхналогіі» і паведаміў пра планы будаўніцтва зборачнага прадпрыемства Менскага аўтамабільнага заводу ў Венесуэле.