У Інтэрнэце Лукашэнка дрэнна вядомы. Многія лічаць, што ён родам з Расеі

Партал lalistawip.com апублікаваў рэйтынг вядомых асобаў усяго сьвету. У ім Аляксандар Лукашэнка займае 480-е месца.

Самы папулярны палітык і грамадзкі дзяяч сёньня Барак Абама. У яго 309 мільёнаў 555 тысяч 53 згадкі ў Інтэрнэце, паведамляе «Наша Ніва».

Другое месца ў сёньняшняга прэзыдэнта ЗША Джорджа Буша (215.205.667).

Джон Маккейн і Сара Пэйлін - трэці і чацьвертая (75.892.444 і 53.815.173 адпаведна).

Прэм'ер-міністар Расеі Уладзімер Пуцін –пяты (41.643.798), прэзыдэнт Францыі Нікаля Сарказі – шосты (34.128.196).

Сэнатар Хілары Клінтан – сёмая (23.624.884), італьянскі прэм'ер Сільвіё Бэрлюсконі – восьмы (22.747.796).

Прышлы віцэ-прэзыдэнт ЗША Джо Байдэн – дзявяты (20.210.061), экс-прэзыдэнт Біл Клінтан – дзясяты (17.733.872).

Прэзыдэнт Вэнэсуэлы -- Уга Чавэс – 17-ты (10.735.036).

Прэзыдэнт Літвы Валдас Адамкус – 26-ты (8.389.788), канцлер Нямеччыны Ангела Мэркель – 32-я (7.471.994).

Іслам Карымаў – 82-гі. Прэм’ер Эстоніі Андрус Ансір – 99-ты (2.647.495).

Прэзыдэнт Польшчы Лех Качынскі – 104-ты (2.576.632), Юлія Цімашэнка – 167-я (1.789.041).

Сёньняшні прэзыдэнт Расеі Дзьмітры Мядзьведзеў толькі 215-ты (1.288.791).

Прэзыдэнт Грузіі Міхаіл Саакашвілі – 246-ты (1.120.685), прэзыдэнт Украіны Віктар Юшчанка – 262-гі (1.012.198),

Аляксандар Лукашэнка – 480-ты (409.301 запыт). Прычым у яго пазначана прыналежнасьць: Расея.

Увесь сьпіс можна паглядзець тут.

Апошнія навіны