Прэзідэнт ЗША Джордж Буш сустрэнецца з беларускімі блогерамі

• 10.12.2008, 12:35

10 снежня цяперашні прэзідэнт ЗША Джордж Буш сустрэнецца з суданскімі актывістамі з правінцыі Дарфур, а таксама пагутарыць з блогерамі з Беларусі, Кітая, Кубы, Егіпту, Ірана і М'янмы, паведамляе прэс-служба Белага дома.

Джордж Буш, які складзе прэзідэнцкія паўнамоцтвы 20 студзеня 2009 года, будзе абмяркоўваць з блогерамі "тварам да твару", а таксама з дапамогай відэаканферэнцыі, выкарыстанне блогаў для дасягнення дэмакратычных змен і большай свабоды, паведамляе Electroname.com.

Блогеры з Егіпту і Венесуэлы будуць мець зносіны з прэзідэнтам ЗША праз відэаканферэнцыю, а прадстаўнікі Беларусі, Кітая, Кубы, Ірана і М'янмы будуць знаходзіцца непасрэдна ў Белым доме ў "пакоі Рузвельта".

Блогеры з Кітая, Кубы, Ірана і М'янмы ў цяперашні час пражываюць у Злучаных Штатах, сказаў Карлтон Кэрал, прадстаўнік Белага дома.

Хто менавіта з беларускіх блогераў будзе сустракацца з Джорджам Бушам, прэс-служба Белага дома не паведамляе.