Валеры Шчукін: «Так скруцілі, што нават падняцца не мог…»

• 25.04.2008, 14:48

Вядомы праваабаронца шпіталяваны ў віцебскую лякарню з высокім ціскам і сэрцавым прыступам. Журналісты датэлефанаваліся да Валерыя Аляксеевіча.

-- Толькі вярнуўся з рэнтгена, цяпер ляжу ў палаце, -- паведаміў Валеры Шчукін у інтэрвію «Народнай волі». -- Лекары пакуль не кажуць нічога пэўнага: сказалі, трэба зрабіць усе аналізы, прайсці абследаванне, у мяне падвышаны цукар у крыві. Знешне выглядаю нармалёва, толькі галава трашчыць. Мяне ж учора шпіталізавалі з ціскам 200/120.

Вёз са Смаленска на рэйсавым аўтобусе газеты "Віцебскі кур'ер". На першым жа прыпынку ў Віцебску на мяне накінуліся трое міліцыянтаў, сталі адбіраць торбу – хацелі канфіскаваць газеты. Так скруцілі, што нават падняцца не мог… Потым стала кепска, выклікалі "хуткую".

Але не хвалюйцеся -- паміраць пакуль не збіраюся. Падлякуюся толькі…