«Duty-Free» цяпер прапануе купляць толькі беларускае

• 30.05.2008, 9:53

На памежным пераходзе "Бераставiца-Баброўнiкi" ў Гродзенскай вобласцi засталася адзiная крама на мяжы. Прычым гэтую краму нельга лiчыць "Duty-Free", бо цяпер там прадаецца толькi прадукцыя беларускiх вытворцаў.

Пра гэта «Еўрарадыё» распавяла супрацоўнiца тамтэйшага аддзялення "Белмытнясервiс":

"Гэтыя памежныя крамы лiчылiся толькi да лютага "Duty-Free". А потым забаранiлi гандаль безакцызнымi таварамi. Цяпер у памежнай краме прадаецца толькi беларуская прадукцыя. На сённяшнi дзень у нас засталася толькi адна крама, бо астатнiя адмовiлiся працаваць выключна з беларускай прадукцыяй", -- распавяла чыноўніца.