Палітвязень Міхаіл Хадаркоўскі адмовіўся прасіць аб памілаванні

• 16.07.2008, 14:36

Замест гэтага адвакаты Міхаіла Хадаркоўскага падалі ў Інгодзінскі раённы суд Чыты хадайніцтва аб умоўна-датэрміновым вызваленні экс-кіраўніка ЮКАСа.

"Сёння ў 14:20 па чыцінскім часе ў Інгодзінскі раённы суд Чыты ад імя абароны - закон гэта дазваляе - пададзенае хадайніцтва аб ужыванні да Хадаркоўскага закона аб умоўна-датэрміновым вызваленні", - заявіў журналістам адвакат Хадаркоўскага Юрый Шмідт.

Адвакат асабліва падкрэсліў, што права на ўмоўна датэрміновае вызваленне ёсць у кожнага зняволенага, гэта не з'яўляецца просьбай аб памілаванні або амністыяй. Па словах абаронцы, для падачы хадайніцтва аб УДВ ад зняволенага не патрабуецца ні прызнанні віны, ні раскаяння.

Пры гэтым адвакат назваў не зусім пэўнай інфармацыю, якая прайшла ўчора ў некаторых заходніх СМІ, аб тым, што нібы сам экс-кіраўнік ЮКАСа запатрабаваў ад абароны падаць хадайніцтва. "Мы самі падрыхтавалі ўсе дакументы і я рад паведаміць, што нам атрымалася ўгаварыць яго на гэта", - адзначыў Юрый Шмідт.

На брыфінгу быў таксама распаўсюджаны зварот Хадаркоўскага ў суд, перадае "Інтэрфакс".

"Я ўсведамляю, што ўправе пры неабходнасці звярнуцца непасрэдна прама да прэзідэнта нашай краіны. Аднак паважаючы дзейсны закон і інстытут судовай улады як адну з канстытуцыйных асноваў грамадства і дзяржавы, лічу неабходным першым чынам выкарыстаць судовы парадак рэалізацыі ўсіх прадстаўленых мне гэтым законам правоў і магчымасцяў для палягчэння майго цяперашняга становішча", - гаворыцца ў звароце Хадаркоўскага.

"У адпаведнасці з вышэйпададзеным, праз сваіх абаронцаў звяртаюся да суду з хадайніцтвам аб умоўна-датэрміновым вызваленні", - адзначыў экс-кіраўнік Юкаса.

Хадаркоўскі лічыць, што заслужыў умоўна-датэрміновае вызваленне, бо "адбыў больш паловы прызначанага тэрміна, добрасумленна працаваў у калоніі, распачаў усё магчымае для добраахвотнага пагашэння інкрымінаванай яму падатковай нядоімкі, няўхільна выконваў патрабаванні закона і правіл унутранага распарадку".

"Ніякай неабходнасці ў маім утрыманні ва ўмовах пазбаўлення волі не было першапачаткова, тым больш яе няма ў цяперашні час. Непрызнанне справядлівасці прысуду і жаданне яго абскардзіць не з'яўляюцца законнымі падставамі для адмовы ва ўмоўна-датэрміновым вызваленні", - гаворыцца ў звароце экс-кіраўніка ЮКАСа.

Ягоны адвакат Юрый Шмідт дадае: "Ні элемента зневажэння, ні элемента просьбы ў заяве аб УДВ няма. Гэта тое ж самае, што падаць касацыйную скаргу на прысуд, тое ж самае, што падаць хадайніцтва аб спыненні справы па абвінавачванні, калі чалавек сябе вінаватым не прызнае. Гэта цалкам нармальная судовая працэдура".