Лукашэнка збiраецца на Алiмпiяду ў Пекін

• 31.07.2008, 11:07

Да старту Алiмпiйскiх гульняў у Кiтаi застаюцца лiчаныя днi. Удзел у гульнях возьмуць 183 беларускiя спартсмены. А ўвогуле беларуская дэлегацыя складаецца з 300 чалавек.

Гульнi пройдуць з 8 па 24 жнiўня. Першай ў сталiцу Кiтая паляцела зборная па веславанні на чале з непераможнай Кацярынай Карстэн, а таксама каманда беларускiх стралкоў-лучнiкаў. 29 лiпеня ў Пекiн адправiлася алiмпiйская зборная па баскетболе.

Чакаецца, што ў Кiтай прыляцiць i Аляксандр Лукашэнка. Да яго з'яўлення на Алiмпiядзе рыхтуецца ўвесь адмiнiстрацыйны штаб беларускай алiмпiйскай зборнай на чале з мiнiстрам спорту i турызму Аляксандрам Грыгаравым, паведаміла “Народная воля”.