Назіральнікаў ад СНД знайсці немагчыма

• 22.08.2008, 11:31

Гарадзенскія назіральнікі і журналісты ўжо тыдзень высвятляюць месца знаходжання назіральнікаў ад СНД, якія прыехалі абласны цэнтр, паведамляе кампанія "Праваабаронцы за свабодныя выбары".

Мэта пошуку – падзяліцца з імі звесткамі пра выбарчы працэс, якія ўжо ёсць у наяўнасці. Але ніхто з уладных структураў не можа назваць месца знаходжання СНГоўскіх назіральнікаў. Дзе яны, і за чым назіраюць -- таксама невядома. Самі назіральнікі ад СНД пакуль што ніякой цікавасці да сустрэчы з мясцовымі калегамі не праявілі.