У Менску неплацельшчыкаў будуць высяляць без цырымоній

• 16.09.2008, 14:25

У Менску неабходна ўзмацніць жорсткасць меры ў адносінах даўжнікоў за жыллёва-камунальныя паслугі. Аб гэтым паведаміў генеральны дырэктар ГА "Менская гарадская жыллёвая гаспадарка" Віктар Вараб'ёў на аператыўнай нарадзе ў мэрыі.

У прыватнасці, сталічнае ЖКГ прапаноўвае скараціць тэрмін прыняцця рашэння аб высяленні даўжнікоў з 6 месяцаў да 4 месяцаў.

Па ягоных дадзеных, у цяперашні час пратэрмінаваная запазычанасць насельніцтва складае Br5,8 млрд. Своечасова не аплачваюць паслугі ЖКГ жыхары больш чым 38 тыс. кватэр, што складае каля 7% іх агульнай колькасці. З пачатку года ў горадзе пададзена 103 пазова на высяленне неплацельшчыкаў.

Па словах Віктара Вараб'ёва, людзі не адчуваюць адказнасці, назапашваюць запазычанасць, пагашэнне якой пасля ператвараецца ў праблему. Пасіўнасць жыхароў па аплаце даўгоў спецыялісты звязваюць з немагчымасцю заканадаўча ўжываць больш сур'ёзныя санкцыі, чым натарыяльны надпіс.

Камунальныя службы, заклікаючы да сумлення жыхароў, толькі губляюць час, перакананы гендырэктар. Так, спачатку выкарыстоўваюцца пісьмовыя папярэджанні, тэлефанаванні, наведванні даўжнікоў. Праз два месяцы рыхтуецца натарыяльны надпіс. Фактычна тры месяцы нельга ўжыць рашучыя меры.

Пасля афармлення натарыяльнага надпісу можа мінуць год, паколькі камунальныя службы ўлічваюць розныя жыццёвыя акалічнасці жыхароў. У ГА "Менская гарадская жыллёвая гаспадарка" лічаць, што тэрмін прыняцця рашэння аб высяленні даўжнікоў трэба скараціць да 4 месяцаў. Менавіта па заканчэнні гэтага перыяду павінен падавацца пазоў у суд.

Дасудовыя дзеянні паказваюць, што калі чалавек ведае аб намерах камунальных службаў прыняць у адносінах яго меры ажно да высялення, то ён пачынае рэагаваць больш сур'ёзна.

Аналізуючы праблему, старшыня Менгарвыканкама Міхаіл Паўлаў назваў недапушчальнай суму пратэрмінаванай запазычанасці насельніцтва за паслугі ЖКГ, што ўтварылася ў горадзе. "За такія грошы можна цэлы садок пабудаваць", - раскрытыкаваў даўжнікоў мэр сталіцы і даручыў ГА "Менская гарадская жыллёвая гаспадарка" праз тыдзень прадставіць распрацаваныя меры на разгляд у Менгарвыканкам.