Выбаршчыкі «знікаюць» цэлымі вуліцамі

• 27.09.2008, 9:19

Назіральнікі ў рэгіёнах дагэтуль знаходзяць парушэнні ў рашэннях выканкамаў аб фарміраванні выбарчых участкаў.

Напрыклад, выявілася, што ў Воршы жыхары вуліцы Целіб'ева, завулкаў Цэліка, Шакміна і Рынкавага, Метэаралагічнага праезду пазбаўленыя выбарчага права, бо гэтыя тэрыторыі не ўключаныя ў склад ні воднага з выбарчых участкаў.

Шэраг назіральнікаў бачаць ў гэтым выпадку спробу маніпуляцыі з выбарчымі спісамі. Іншыя лічаць, што мае месца звычайнае галавацяпства чыноўнікаў. Як бы там ні было, факт парушэння закона – у наяўнасці, паведамляюць «Праваабаронцы за свабодныя выбары».