У Кангрэсе ЗША абмяркуюць сытуацыю ў Беларусі

• 9.09.2008, 10:53

У Хэльсынскай Камісіі Кангрэсу ЗША 16 верасьня адбудуцца слуханьні па Беларусі, прысьвечаныя абмеркаваньню сытуацыі ў краіне напярэдадні «выбараў».

Мэта слуханьняў – дасьледаваць стан дэмакратыі і правоў чалавека ў Беларусі і тое, як беларускае кіраўніцтва выконвае свае забавязаньні перад АБСЭ напярэдадні парлямэнцкіх выбараў, паведамляе «Радыё Свабода».

У камісіі зазначаюць, што апошнім часам у Беларусі былі вызваленыя палітвязьні, а афіцыйны Менск ня выявіў энтузіязму ў падтрымцы расейскай агрэсіі ў Грузіі – і гэта запаліла слабае сьвятло для паляпшэньня стасункаў паміж Беларусьсю і ЗША, а таксама Эўразьвязам. Тым ня менш, напярэдадні «выбараў» пакуль няма прыкметнага прагрэсу ў дэмакратызацыі і выкананьні правоў чалавека.