Людзям павінныя заробак у 264 мільёны даляраў

• 16.01.2009, 16:10

У Беларусі запазычанасць арганізацый па крэдытах і пазыках на выплату заработнай платы па стане на 1 снежня 2008 года склала Br708,2 млрд. (254 253 000 даляраў ЗША) , або 21,9% ад налічанага за месяц фонду заробку.

Як паведамляе АФН са спасылкай на Белстат, рост запазычанасці рэгіструецца на працягу некалькіх месяцаў: на 1 кастрычніка 2008 года гэтыя паказчыкі былі роўнымі Br535,9 млрд., або 16,8%, на 1 лістапада - Br579,2 млрд., або 17,9%.

Найбольш высокая ўдзельная вага запазычанасці склалася ў арганізацыях канцэрнаў «Беллягпрам» (84,1% ад налічанага фонду заработнай платы), «Беллеспаппрам» (80,4%) а таксама ў арганізацыях Мінпрама (73,5%) і Мінбудархітэктуры (47,5).