Беларусь не пяройдзе на разлікі ў расейскіх рублях без дадатковых крэдытаў
- 23.01.2009, 17:50
Беларускія ўлады заяўляюць аб гатовасці цалкам перайсці на разлікі ў расейскіх рублях у гандлі з Расеяй, але пры пэўных умовах.
Аб гэтым паведаміў сёння на прэс-канферэнцыі намеснік прэм'ер-міністра Беларусі Андрэй Кабякоў, перадае БелТА.
Таксама ён заявіў, што Беларусь і Расея вядуць перамовы аб прадастаўленні нашай краіне крэдыту на 100 млрд. расейскіх рублёў.
«Лічба ў 100 млрд. расійскіх рублёў - адносна ўмоўная. Няма ніякіх абавязанняў з расійскага боку аб вылучэнні гэтых сродкаў, як, напрыклад, абавязанні па падаванні другога транша крэдыту на $1 млрд.», - адзначыў Андрэй Кобяков.
«Што датычыцца 100 млрд. расейскіх рублёў, то гаворка ідзе не аб крэдытаванні дэфіцыту аплатнага балансу, паколькі мы ўжо рэалізуемы меры па стварэнні неабходнай «падушкі бяспекі». Гэтыя расейскія рублі разглядаюцца намі як укладанне ў пашырэнне або як мінімум утрыманне ўзаемнага гандлю з Расеяй», - растлумачыў віцэ-прэм'ер.
Гэта значыць, гэтыя сродкі патрэбныя для таго, каб падтрымаць суб'екты гаспадарання ў Беларусі і Расеі, якія маюць зацікаўленасць у супрацоўніцтве, але на сённяшні дзень не могуць атрымаць крэдыт па прымальных стаўках.
«У гэтым і складаецца наша прапанова. Яна супадае з мэтавай задачай - зрабіць расейскі рубель у прасторы СНД рэгіянальнай валютай, гэта значыць валютай разлікаў паміж краінамі. У цяперашні час 90% беларускага экспарту ў Расею аплочваецца расейскімі рублямі, а імпарт - на 40% расейскімі рублямі і на 60% - далярамі і еўра», - сказаў Андрэй Кобяков.
«Мы ставімся з разуменнем да прапановы Расеі. Давайце цалкам пяройдзем у разліках на расейскія рублі. Але для таго, каб замясціць даляры і еўра расейскімі рублямі, натуральна, патрэбныя пэўныя крэдытныя рэсурсы і, натуральна, не па рынкавых коштах», - лічыць ён.
Па ягоных словах, па гэтай падставе бакамі будуць весціся перамовы.
«Учора першы раўнд перамоваў адбыўся, бакі выказалі свае меркаванні на гэты конт. Мы дамовіліся аб тым, што перамовы будуць працягвацца», - праінфармаваў намеснік прэм'ер-міністра.