На таргах БВФБ курс даляра вырас да 2703 рублёў

• 27.01.2009, 12:42

Па выніках таргоў замежнымі валютамі 26 студзеня на Беларускай валютна-фондавай біржы курс даляра ЗША у адносінах да беларускага рубля абнавіў гістарычны максімум.

Курс даляра склаў 2703 рублі, павялічыўшыся на 3 рублі ў параўнанні з ўчорашнім днём.

Пры гэтым попыт на амерыканскую валюту на 10.638 млн. даляраў перавысіў прапанову. Аб'ём пагадненняў склаў 15.615 млн. даляраў, попыт — 15.646 млн., прапанова - 5.008 млн.

Курс еўра павялічыўся на 86 рублёў і склаў 3581 рубель за еўра, расейскага рубля знізіўся на 0,15 рубля і склаў 81,91 беларускага рубля за адзін расейскі.