Пенсіянерам сталі плаціць менш

• 16.11.2009, 11:07

Рэальны памер пенсіі (скарэктаванай на індэкс спажывецкіх коштаў на тавары і паслугі) у кастрычніку 2009 года ў параўнанні з кастрычнікам 2008 года зменшыўся на 9,3%.

У кастрычніку 2009 года сярэдні памер прызначанай пенсіі склаў 392,6 тыс. рублёў (114% ад велічыні сярэднедушавога мінімальнага спажывецкага бюджэту сям'і пенсіянераў), паведамляе АФН са спасылкай на Белстат.

Сярэдні памер пенсіі па ўзросце склаў 409,7 тыс. рублёў, па інваліднасці – 363,3 тыс. рублёў, з прычыны страты карміцеля – 247,2 тыс. рублёў, сацыяльнай пенсіі – 185,7 тыс. рублёў.