Арыштаваны гендырэктар Смаргонскага заводу аптычнага станкабудавання

• 16.12.2009, 10:36

Кіраўнік буйнога прадпрыемства быў затрыманы падчас атрымання хабару 14 снежня ў Менску.

Пра гэта БелТА паведамілі ў Генеральнай пракуратуры Беларусі.

«У Менску 14 снежня падчас правядзенняў аператыўна-вышуковых мерапрыемстваў супрацоўнікамі міліцыі затрыманы генеральны дырэктар Смаргонскага заводу аптычнага станкабудавання, які атрымаў ад дырэктара аднаго іх камерцыйных прадпрыемстваў $6 тыс. за спрыяльнае рашэнне пытання аб зніжэнні кошту выкананых працаў па вырабе абсталявання», - распавялі ў Генпракуратуры.

Узбуджаная крымінальная справа па ч.2 арт. 430 («Атрыманне хабару») КК Беларусі.