Урад ігнаруе рэкамендацыі МВФ

• 22.12.2009, 13:05

Прэм’ер-міністр Беларусі запатрабаваў ад органаў дзяржупраўлення безумоўнага выканання ў 2010 годзе зацверджанага ўказам Лукашэнкі росту эканомікі на 11-13%.

«Я не прымаю ніякіх пытанняў па пераглядзе ў той ці іншы бок параметраў прагнозу. Прэзідэнт прыняў рашэнне, і яно павінна быць выканана», - заявіў Сяргей Сідорскі на паседжанні прэзідыума ўрада пры разглядзе плана дзеянняў па дасягненні запланаванага росту эканомікі, паведамляе «Інтэрфакс».

Пры гэтым прэм'ер заявіў, што шэраг рэгіёнаў лічаць даведзеныя заданні залішне напружанымі. «Да абласцей падыход адзін - яны павінны забяспечыць выкананне праграмы сацыяльна- эканамічнага развіцця на 2006-2010 гады, гэтак жа, як і ўсе міністэрствы і ведамствы», - сказаў Сідорскі.

Паводле яго, «праз тыдзень павінны быць зацверджаны ўсе неабходныя дакументы».

Прэм'ер заявіў, што «трэба ўсім прыняць дастатковыя меры для рэалізацыі запланаванага росту эканомікі, галоўнае - максімальная збалансаванасць працы галін эканомікі».

«Паказчыкі на 2010 год вельмі напружаныя, і адпаведная праца павінна быць забяспечана са студзеня 2010 года», - падкрэсліў С.Сідорскі.

Як раней паведамляў сайт charter97.org, днём раней Міжнародны валютны фонд (МВФ) назваў «неапраўдана высокімі» мэты ўлад Беларусі па росце ВУП у 2010 годзе і папярэджвае аб ўзмацненні ціску на рахунак бягучых аперацый плацёжнага балансу і падвышэнні прыступнасці Беларусі да знешніх шокаў, якія чакаюцца ў гэтай сувязі.

«Важна ў 2010 годзе замацаваць дасягнутую знешнюю і ўнутраную стабілізацыю. Імкненне да неапраўдана высокіх тэмпаў росту ВУП узмацніць ціск на рахунак бягучых аперацый і павялічыць прыступнасць Беларусі да знешніх шокаў», - заявіў намеснік дырэктара-распарадчыка МВФ Такатошы Ката.