На выбарах у Малдове перамаглі камуністы

• 6.04.2009, 10:55

Па выніках падліку 100 адсоткаў бюлетэняў, Партыя камуністаў рэспублікі Малдова (ПКРМ) атрымала 49,91 адсотка галасоў выбаршчыкаў.

Такі вынік дае камуністам 62-63 месцы ў парламенце (з 101).

Такім чынам, яны атрымаюць не толькі большасць у парламенце, але і магчымасць аднаасобна абраць прэзідэнта.

У Малдове, нагадаем, кіраўніка дзяржавы па Канстытуцыі выбірае парламент, для сцвярджэння кандыдатуры неабходны па меншай меры 61 голас.

Як паведамляе «Бі-бі-сі», нараўне з камуністамі ў парламент прайшлі апазіцыйныя Ліберальная партыя, Ліберальна-дэмакратычная партыя і альянс "Наша Малдова", якія набралі адпаведна 12,91, 12,23 і 9,88 адсотка галасоў.

Апазіцыя ўжо заявіла, што не мае намеру ўступаць у перамовы аб стварэнні кааліцыі з камуністамі і гатовая да новых выбараў. "Мы стала казалі аб тым, што гэта злачынны рэжым, і мы не пойдзем на саюз з ім", - заявіў лідэр ліберальна-дэмакратычнай партыі Ўлад Філат у інтэрв'ю мясцоваму тэлебачанню.

"Наша партыя загадзя апавясціла ўладам Кішынёва, што зойме цэнтральную плошчу сталіцы на першыя два тыдні пасля выбараў", - папярэдзіў Філат.

Па словах лідэра альянсу "Наша Малдова" Серафіма Ўрэкяна, калі апазіцыя вырашыць, што "парушэнні істотна паўплывалі на вынікі выбараў, то выйдзем на плошчу і не сыдзем адтуль да датэрміновых выбараў".

Камуністы прыйшлі да ўлады ў Малдове ў 2001 годзе і ізноў выйгралі выбары ў 2005 годзе. У той жа час прэзідэнт краіны Ўладзімір Варонін, які знаходзіцца ля ўлады два тэрміны запар, павінен будзе пакінуць сваю пасаду ў гэтым месяцы.