Магутная DdoS-атака на charter97.org працягваецца трэція суткі

• 10.06.2009, 12:12

У атацы, паводле папярэдніх звестак, удзельнічае больш за 5 тысячаў кампутараў-"зомбі".

Падобныя атакі робяцца з дапамогай сеткі заражаных кампутараў, якія кіруюцца дыстанцыйна.

Уладальнікі кампутараў-"зомбі" не падазраюць пра атаку, якая здзяйсняецца з іх кампутараў. Па камандзе злачынцы ботнэт пачынае дасылаць на атакаваны сайт вялікую колькасць запытаў, якія "забіваюць" канал да сервера і перашкаджаюць звычайным наведнікам патрапіць на рэсурс.

У тэхнічнай службы нашага сайта атрымалася мінімізаваць наступствы атакі, і рэсурс працягвае сваю працу.