У КДБ не каментуюць відэазварот арыштаванага супрацоўніка МУС да Лукашэнкі

• 18.06.2009, 9:09

Кіраўнік Упраўлення па барацьбе з карупцыяй і эканамічнымі злачынствамі УУС Гомельскага аблвыканкама ў звароце прасіў абараніць МУС ад «бязмежжа супрацоўнікаў КДБ», якія завязлі ў карупцыі.

У цэнтры інфармацыі і грамадскіх сувязяў Камітэта дзяржбяспекі Беларусі і прэс-групе УКДБ па Гомельскай вобласці не каментуюць размешчаны ў інтэрнэце відэазварот да Лукашэнкі арыштаванага начальніка ўпраўлення па барацьбе з карупцыяй і эканамічнымі злачынствамі УУС Гомельскага аблвыканкама Аляксандра Малаева, піша БелаПАН.

«Не будзем нічога абмяркоўваць», — заявіў начальнік ЦІГС КДБ Валер Надтачаеў.

Нагадаем, што кіраўнік Упраўлення па барацьбе з карупцыяй і эканамічнымі злачынствамі УУС Гомельскага аблвыканкама выклаў у інтэрнэце відэазварот да Лукашэнкі.

У звароце ён просіць абараніць МУС ад, як ён выказаўся, «бязмежжа супрацоўнікаў КДБ», якія завязлі ў карупцыі.