Апазіцыянера будуць судзіць за распаўсюд недзяржаўнай прэсы

• 19.06.2009, 11:41

Актывіста Аб'яднанай грамадзянскай партыі Івана Крука абвінавачваюць у распаўсюдзе выданняў без належнага ўказання выходных звестак.

Начальнік прававога ўпраўлення Міністэрства інфармацыі Лілія Богдан лічыць, што Іван Крук парушыў арт. 22 Закона «Аб сродках масавай інфармацыі», а таксама патрабаванні Міждзяржаўнага стандарту ДАСТа 7.5-95 у частцы ўказання выходных звестак. У прыватнасці, кажацца ў пратаколе, у выданнях не пазначаныя заснавальнік, рэдактар, адрас рэдакцыі, сообщает baj.by.

Актывіста прыцягваюць да адміністрацыйнай адказнасці за тое, што ў Астраўцы ён даў на вуліцы жыхару суседняга дома некалькі незалежных выданняў (па адным асобніку). Як пазначана ў пратаколе, гэта былі газеты «Астравецкі веснік» № 1, 2, «Мірны атам», «Глыток паветра» і «Новы час». Пасля таго, як Іван Крук сышоў, да мужчыны падышлі супрацоўнікі міліцыі. Усе выданні, за выключэннем газеты «Новы час», яны канфіскавалі.

У дачыненні да актывіста АГП Івана Крука складзены пратакол аб адміністрацыйным правапарушэнні. Яму ставіцца ў віну «распаўсюд перыядычных друкаваных выданняў без выходных звестак». Матэрыялы па гэтай справе накіраваныя ў суд Астравецкага раёна.