Івана Шылу не выпускаюць з арміі на суд

• 2.06.2009, 10:41

Камандзір вайсковай брыгады Ігар Пільневіч паведаміў бацьку Івана Шылы, што не адпусціць моладзевага актывіста на суд у Салігорск.

4 чэрвеня ў Салігорскім гарадскім судзе павінен адбыцца суд па заяве гвалтоўна прызванага ў армію Івана Шылы. Актывіст салігорскай філіі «Маладога Фронту» дамагаецца, каб яго прызыў у армію быў прызнаны незаконным. Аднак камандзір вайсковай брыгады адмаўляецца адпускаць моладзевага актывіста на суд.

Нагадаем, 28 студзеня ў кайданках былі адпраўленыя на вайсковую службу кіраўнік «Моладзі БНФ» Франак Вячорка і адзін з кіраўнікоў салігорскай філіі «Маладога Фронту» Іван Шыла. Таксама 28 студзеня быў затрыманы маладафронтавец Зміцер Хведарук.