Псіхічна хворы мужчына пратараніў на МКАД 7 аўтамабіляў: Ёсць пацярпелыя (Фота)

• 10.07.2009, 9:49

У пятніцу раніцай быў затрыманы мужчына, які наўмысна тараніў легкавыя аўтамабілі на менскай кальцавой дарозе.

Як паведамляе «Інтэрфакс», псіхічна хворы мужчына паспеў пратараніць на Менскай кальцавой дарозе 7 аўтамабіляў, 3 чалавекі пацярпелі.

«На МКАД затрыманы кіроўца, які тараніў аўтамабілі. Па папярэдняй інфармацыі, пашкоджаныя 7 аўтамабіляў», паведамілі ў пятніцу ў ДАІ Менска. Па словах суразмоўцаў агенцтва, «па дадзеным факце складзены пратакол, ідзе разгляд».

На Менскай станцыі хуткай медыцынскай дапамогі распавялі, «што ў выніку інцыдэнту пацярпелі 3 чалавекі, сам псіхічна хворы кіроўца цэлы».

Фота Onliner.by