У беларускіх НПЗ няма грошай на закуп нафты

• 20.08.2009, 16:30

Беларускія НПЗ адчуваюць недахоп сродкаў для закупу нафты для ўласнай перапрацоўкі.

Пра гэта паведаміла ПРАЙМ-ТАСС крыніца ў профільным міністэрстве.

Яна адзначыла, што аптымальнай для НПЗ эканоміка атрымліваецца ў тым выпадку, калі нафта на заводах перапрацоўваецца ў прапорцыі 50 на 50, то бок 50% перапрацоўвае само прадпрыемства і яшчэ 50% - кампаніі-давальцы на ўмовах толінгу.

«Аднак ва ўмовах кан'юнктуры, якая склалася на сусветных рынках і ўнутраным рынку, гэтая прапорцыя змянілася не ў лепшы для беларускіх НПЗ бок», - адзначыў суразмоўца.

Па яго дадзеных у ААТ «Нафтан» у апошнія месяцы ўласная перапрацоўка складала каля 60% месячнага аб'ёму, у ААТ «Мазырскі НПЗ» - каля 40%.

Чыноўнік растлумачыў, што ў апошні час перапрацоўка нафты на «Нафтане» для кампаній-давальцаў стала менш прывабнай у сувязі з тым, што прадпрыемства выпускае больш дызпаліва і менш бензінаў.

«Паміж тым кошт на дызпаліва ў параўнанні з бензінам на сусветным рынку знізіўся з-за паніжэння аб'ёму міжгародных перавозак, у выніку чаго пагоршыліся эканамічныя паказчыкі заводу і кампаній-давальцаў, якія ў гэтай сітуацыі ўстрымліваюцца ад паставак нафты на «Нафтан». У выніку заводу прыходзіцца самастойна закупляць большы аб'ём нафты, што пагаршае яго эканамічныя паказчыкі», - растлумачыў суразмоўца.

Па яго словах, фінансавае становішча Мазырскага НПЗ лепшае, што абумоўлена іншай экспартнай структурай: дзякуючы праведзенай рэканструкцыі завод больш вырабляе бензінаў, кошты на які працягнуць расці на сусветным рынку. «Тым не менш у прадпрыемства бракуе ўласных сродкаў для закупу нафты ў аб'ёме 50%», - сказаў суразмоўца.