У Менску каля Нацыянальнай бібліятэкі адбылася масавая бойка (Вiдэа)

• 31.08.2009, 14:30

Дзесяць брыгад хуткай дапамогі даставілі ў лякарні каля 20 чалавек з ірванымі ранамі і ўшыбамі.

Масавымі затрыманнямі скончылася бойка футбольных заўзятараў у Менску, паведамілі карэспандэнту БелТА ў праваахоўных органах.

Напярэдадні матчу «МТЗ-Рыпо» - «Дынама-Брэст» фанаты ўчынілі бойку ў парку каля Нацыянальнай бібліятэкі.

Шмат каму з іх спатрэбілася медыцынская дапамога. Дзесяць брыгад хуткай дапамогі даставілі ў лякарні каля 20 заўзятараў з ірванымі ранамі і ўшыбамі. Затрыманыя каля 50 удзельнікаў гэтага пабоішча.

Па дадзеных праваахоўных органаў, усім затрыманым ад 16 да 26 год. У міліцыі не выключаюць, што супраць завадатаяў бойкі будзе ўзбуджаная крымінальная справа па артыкуле «Хуліганства».