Апазіцыянераў працягваюць звальняць з працы па палітычных матывах

• 2.09.2009, 9:33

Актывістку «Маладой Беларусі» Касю Галіцкую звольнілі з працы пасля таго, як да яе ў офіс прыйшоў прадстаўнік беларускіх спецслужбаў.

Кася Галіцкая паведаміла, што ў офіс кампаніі днямі прыйшоў палкоўнік КДБ і прымусіў начальніка звольніць яе з працы, перадае «Радыё Свабода».

Кася Галіцкая працавала ў замежнай кампаніі, якая займалася продажам тэхнікі.

Раней у Галіцкай з-за яе палітычнай дзейнасці былі праблемы на вучобе. Касю Галіцку, якая ў той час была актывісткай «Маладога фронта», двойчы звальнялі з працы па палітычных матывах. Моладзевая актывістка неаднаразова адбывала арышты ў турме на вуліцы Акрэсціна за актыўны ўдзел у вулічных акцыях апазіцыі.