У Беларусь едзе туркменбашы Бердымухамедаў

• 22.01.2010, 9:59

Прэзідэнт Туркменістана Гурбангулы Бердымухамедаў упершыню наведае Беларусь з афіцыйным візітам 25-26 студзеня.

Праграма візіту абмяркоўвалася падчас паседжання ўрада Туркменістана, паведамляе газета «Взгляд».

«Візіт у Беларусь мае вялікае значэнне для Туркменістана», - сказаў Бердымухамедаў, пазначыўшы старшыні туркмена-беларускай камісіі, віцэ-прэм'еру Хыдыру Сапарлыеву абмеркаваць на ўзроўні магчымасці павелічэння тавараабароту за кошт прасоўвання прадукцыі Туркменістана на беларускі рынак. Прэзідэнт выказаў таксама пажаданне ўключыць у праграму візіту сустрэчу з туркменскімі студэнтамі, якія навучаюцца ў Менску.

Туркменістан з'яўляецца буйным пакупніком беларускай сельскагаспадарчай тэхнікі. Штогод у Ашхабад прыбывае да двух тысяч трактароў МТЗ-80, тысячы аўтамабіляў МАЗ, каля 500 аўтамабіляў БелАЗ.

Падчас візіту Аляксандра Лукашэнкі ў Туркменістан у чэрвені 2009 года стартаваў буйны праект будаўніцтва першага ў гісторыі Туркменістана горна-абагачальнага комплексу па вытворчасці калійных угнаенняў. Яго пабудуе беларускае ААТ «Белгархімпрам». Кошт першай чаргі комплексу ацэньваецца ў 1 млрд. даляраў.