«Ляпіс Трубяцкі»: Стоп мафія! (Аўдыё)

• 19.10.2010, 10:19

Лідэр гурта «Ляпіс Трубяцкі» Сяргей Міхалок запісаў песню «Стоп мафія!» разам з малдаўскай камандай Zdob si Zdub.

Музыкі спяваюць пра грошы, якія «зробяць цябе рабом», і высмейваюць мафіёзі, што «чорную ікру запіваюць гарэлкай, кубінскую цыгару падпальваюць соткай», піша «Наша Ніва».

Песня ўвайшла на альбом Zdob si Zdub «Белае віно / Чырвонае віно».

За апошні час гэта не першае супрацоўніцтва Сяргея Міхалка з замежнымі музыкамі. Нядаўна выйшаў кліп на рэмікс песні «Болт», запісаны сумесна з Noize MC. Да гэтага расейскі рэпер запісаў рэмікс на песню «Капітал» да еўрапейскага альбома «Ляпісаў» «Agitpop».