Еўрапарламент ізноў заклікаў Беларусь адмяніць смяротнае пакаранне

• 7.10.2010, 15:04

У рэзалюцыі таксама кажацца, што ЕП сур'ёзна занепакоены справядлівасцю судовых працэсаў у Беларусі.

Еўрапарламент ізноў заклікаў Беларусь увесці мараторый на смяротнае пакаранне. Пра гэта кажацца ў адным з пунктаў прынятай 7 кастрычніка рэзалюцыі, прымеркаванай да Міжнароднага дня супраць смяротнага пакарання.

У тэксце рэзалюцыі падкрэсліваецца, што Беларусь застаецца адзінай еўрапейскай краінай, якая ўжывае смяротнае пакаранне. Адзначаецца, што і ПАРЕ, і Еўразвяз неаднаразова заклікалі адмяніць гэтую меру, перадае «Еўрарадыё».

У рэзалюцыі таксама кажацца, што Еўрапарламент сур'ёзна занепакоены справядлівасцю судовых працэсаў у Беларусі, а таксама тым, што цела забітага не выдаецца сваякам для пахавання, а месца пахавання не паведамляецца.