З візітам у Менску знаходзіцца еўракамісар Штэфан Фюле

• 15.11.2010, 9:55

Камісар ЕЗ па пытаннях пашырэння і палітыкі добрасуседства Штэфан Фюле прыбыў 15 лістапада з аднадзённым візітам у Менск.

Сёння раніцай Штэфан Фюле сустракаецца з прадстаўнікамі грамадзянскай супольнасці Беларусі.

У межах візіту запланаваная таксама сустрэча еўракамісара з міністрам замежных справаў Беларусі Сяргеем Мартынавым.

Апроч гэтага еўракамісар мае намер сустрэцца з кіраўніком місіі БДІПЧ АБСЕ ў Беларусі Гертам Хінрыхам Арэнсам, які прыбыў у Менск 12 лістапада, а таксама даць прэс-канферэнцыю.

Фюле ўжо наведваў Беларусь 8—9 ліпеня гэтага года. Тады ён сустрэўся з Аляксандрам Лукашэнкам, прадстаўнікамі грамадзянскай супольнасці і апазіцыйных партыяў.