Моладзевых актывістаў арыштавалі за акцыю з урнамі (Абноўлена)

• 15.11.2010, 13:44

Актывісты грамадзянскай кампаніі «Гавары праўду» правялі вулічную акцыю «Хаваць трэба смецце, а не галасы».

Удзельнікі акцыі нацягвалі на ўрны для смецця чорныя пакеты і прымацоўвалі налепку «Хаваць трэба смецце, а не галасы», перадае «Радыё Свабода».

Акцыя адначасова стартавала каля гатэля «Еўропа» і каля будынка выканкама СНД.

Каля Гума супрацоўнікі АМАПа без тлумачэнняў затрымалі Міхася Пашкевіча і Рамана Багдановіча.

Як паведаміў БелаПАН Пашкевіч, у Цэнтральным РУУС Менска, куды іх даставілі, былі складзеныя «пратаколы гутаркі». Аднак якіх-небудзь адміністрацыйных спраў у дачыненні да актывістаў узбуджаць не сталі. У міліцыі затрыманыя правялі трохі больш за гадзіну.

Разам з тым, міліцыя адмовілася вяртаць актывістам канфіскаваныя ў іх налепкі. «Цэнтральны РУУС фактычна выкраў у мяне каля 20 налепак без складання пратаколу», - заявіў Пашкевіч, растлумачыўшы, што канфіскацыя павінна афармляцца належным чынам.