У Беларусь прыбываюць 40 доўгатэрміновых назіральнікаў БДІПЧ АБСЕ

• 17.11.2010, 13:21

Сёння ў Беларусь прыбывае асноўная група доўгатэрміновых назіральнікаў Бюро па дэмакратычных інстытутах і правах чалавека (БДІПЧ) АБСЕ.

«Частка назіральнікаў ужо прыляцелі ў Менск, частка — прыляціць пазней. Усяго сёння ў Беларусь павінны прыбыць 40 доўгатэрміновых назіральнікаў з 18 краінаў», — паведаміў БелаПАН медыя-аналітык місіі назіральнікаў БДІПЧ АБСЕ Ягор Цільпуноў.

19 лістапада прадстаўнікі місіі БДІПЧ АБСЕ прыступяць да назірання за ходам кампаніі па выбарах прэзідэнта Беларусі па ўсёй краіне.

Раней у Менск ужо прыбылі 14 экспертаў БДІПЧ АБСЕ. Яшчэ каля 400 чалавек прыбудуць у Беларусь для кароткатэрміновага назірання непасрэдна перад галасаваннем.

Нагадаем, 18 лістапада пройдзе рэгістрацыя кандыдатаў у прэзідэнты.