Аўтобус з пасажырамі загарэўся ў Гарадзенскім раёне (Фота)

• 2.11.2010, 9:43

У выніку ДТЗ у Гарадзенскім раёне загарэўся аўтобус, у якім знаходзіліся каля 40 пасажыраў.

Пра гэта паведамілі агенцтву «Інтэрфакс-Захад» у аўторак у ДАІ МУС Беларусі.

«У Гарадзенскім раёне адбылося ДТЗ з удзелам пасажырскага аўтобуса, аўтацягніка і аўтамабільнага цягача. Шпіталізаваныя тры пасажыры аўтобуса», - паведамілі ў ДАІ.

Там ўдакладнілі, што ў выніку ДТЗ загарэўся аўтобус, у якім знаходзіліся каля 40 пасажыраў. «Усе пасажыры самастойна выйшлі з аўтобуса, які гарэў, але пасля траіх шпіталізавалі», - распавялі суразмоўцы агенцтва.

Супрацоўнікі ДАІ высвятляюць прычыны ДТЗ.

Фота: prosto_free