Сваякі загінулых пінскіх працоўных: «Стаўленне да нас проста жахлівае» (Відэа)

• 5.11.2010, 14:38

Адразу пасля выбуху ў Пінску ў інтэрнэце з'явілася відэа, на якім абгарэлы супрацоўнік выходзіць з завода, на якім адбыўся выбух.

Як высветлілася, гэтага мужчыну звалі Алека Квашалі. Ён памёр у лякарні: абгарэла не толькі цела, але і лёгкія.

Журналіст «Радыё Свабода» Алег Груздзіловіч паразмаўляў з яго роднымі. «Нам не давалі ніякай інфармацыі», - скардзяцца яны.

На дадзены момант сканалі ад апёкаў падчас выбуху на «Пінскдрэве» 14 чалавек. Людзі працягваюць ляжаць у цяжкім стане ў шпіталях Берасця і Менска.