Грабоўскі не будзе ўдзельнічаць у Алімпіядзе

• 3.02.2010, 12:55

Лідэр зборнай Беларусі па хакеі Міхаіл Грабоўскі прапусціць алімпійскі турнір у Ванкуверы з-за траўмы.

Пра гэта паведамляе РИА «Новости»» са спасылкай на «Toronto Star».

Форвард, які аднаўляецца пасля пералому кісці, што здарыўся ў пачатку студзеня, не атрымаў дазволу ад свайго клуба «Таронта» выступіць на Алімпіядзе. Грабоўскі спадзяваўся паспець залячыць траўму, аднак «Мэйпл Ліфс», чый атакуючы патэнцыял і без таго вельмі бедны, не хочуць рызыкаваць здароўем аднаго з самых выніковых сваіх нападаючых.

У 42 матчах рэгулярнага чэмпіянату НХЛ Грабоўскі набраў 25 балаў (7+18).

На групавым этапе алімпійскага турніру зборная Беларусі згуляе з камандамі Фінляндыі, Швецыі і Германіі.