У Пухавічах цягнік сутыкнуўся з трактарам (Відэа)

• 9.02.2010, 9:04

Міліцыя высвятляе абставіны сутыкнення цягніка з трактарам у Пухавіцкім раёне, у выніку чаго адбылася затрымка цягнікоў у Менск.

Пра гэта паведамілі БелаПАН ва ўпраўленні ўнутраных справаў на транспарце МУС Беларусі.

У выніку ДТЗ, якое адбылося ў першай палове дня 8 лютага, загінуў трактарыст. Падрабязнасці здарэння пакуль невядомыя, як і тое, якія цягнікі вымушаныя былі затрымацца з-за ДТЗ. Ёсць інфармацыя, што ў Менск спазняўся цягнік са Светлагорска.

Зараз на месцы здарэння працуюць супрацоўнікі Пухавіцкага РАУС, Менскага аддзела ўнутраных справаў на транспарце, Дзяржаўтаінспекцыі.