З Гомельскага інтэрната эвакуявалі 200 студэнтаў

• 29.03.2010, 12:40

Эвакуацыя была праведзеная ў сувязі з пажарам, які адбыўся 29 сакавіка.

Пра тое, што ў інтэрнаце Гомельскага дзяржаўнага машынабудаўнічага каледжа адбылося ўзгаранне, у МНС паведамілі каля 4 гадзінаў раніцы, перадае БелТА са спасылкай на прэс-службу Гомельскага абласнога ўпраўлення МНС.

Паводле папярэдніх звестак ўзгаранне пачалося ў адным з пакояў на першым паверсе будынка. Пажар, які пачаўся, аператыўна ліквідавалі.

200 студэнтаў ва ўмовах моцнага задымлення прыйшлося эвакуіраваць. Мяркуецца, што прычынай пажару стала кароткае замыканне халадзільніка. Ён цалкам знішчаны агнём. На шчасце, з людзей ніхто не пацярпеў. Праводзіцца праверка.