Жыхарам Гандураса дазволілі не працаваць падчас матчаў зборнай на ЧС-2010

• 9.06.2010, 11:27

Пастанова з'яўляецца абавязковай для ўсіх дзяржаўных устаноў.

Урад Гандураса аб'явіў непрацоўным час матчаў футбольнай зборнай краіны на чэмпіянаце свету ў ПАР.

Пастанова з'яўляецца абавязковай для ўсіх дзяржаўных устаноў, але прыватным кампаніям таксама рэкамендавана адпусціць супрацоўнікаў на час матчаў зборнай Гандураса, паведамляе Lenta.ru са спасылкай на Associated Press.

Свой першы матч на ЧС-2010 каманда Гандураса правядзе ў сераду, 16 чэрвеня, супраць Чылі. Па мясцовым часе гульня пачнецца рана раніцай, і жыхарам краіны дазволілі не з'яўляцца на працы да 10:00.

21 і 25 чэрвеня (у панядзелак і пятніцу) зборная Гандураса згуляе з Іспаніяй і Швейцарыяй. Гэтым матчы пачнуцца днём па мясцовым часе, і балельшчыкаў павінны адпускаць з працы ў 11:30. Па заканчэнні сустрэчы яны павінны вярнуцца на працоўныя месцы.

Зборная Гандураса згуляе ў фінальным турніры чэмпіянату свету па футболе другі раз у сваёй гісторыі. У 1982 годзе на першынстве планеты ў Іспаніі камандзе Гандураса не ўдалося выйграць ні аднаго матчу.