Злосных неплацельшчыкаў будуць высяляць
- 15.07.2010, 9:11
Беларускія «дэпутаты» упершыню сабраліся абмеркаваць новаўвядзенні праекта Жыллёвага кодэкса, які паступіў у «палату прадстаўнікоў».
Сярод галоўных навацый праекта Жыллёвага кодэкса начальнік юрыдычнага аддзела Міністэрства жыллёва-камунальнай гаспадаркі Наталля Качан вылучыла пашырэнне магчымасцяў для высялення з фонду прыватнага жылля злосных неплацельшчыкаў.
Па яе словах, у цяперашні час у Беларусі востра стаіць пытанне па запазычанасці за паслугі ЖКГ, што запатрабавала ўзмацніць жорсткасць меры адказнасці за іх няўплату. Улічваючы, што 87% жылога фонду краіны - гэта прыватнае жыллё і ў дзеючым Жыллёвым кодэксе не прадугледжана магчымасць высялення ўласнікаў такіх памяшканняў, спатрэбілася ўнесці папраўкі ў праект новага Жыллёвага кодэкса. Ён уключае іншы механізм высялення уласнікаў прыватнага жылога фонду. Напрыклад, у выпадку ўзнікнення запазычанасці ўласніку спачатку дадуць час на яе пагашэнне. Калі гэтага не здарыцца, мясцовыя органы ўлады змогуць, звярнуўшыся ў суд, прадаць кватэру з аўкцыёну, з выгандлеванай сумы пагасіць запазычанасць, а астатнія сродкі вярнуць уладальніку.
Прапісаная таксама новая працэдура прымусовага абмену жыллём з грамадзянамі, што стаяць на чарзе маючых патрэбу ў паляпшэнні жыллёвых умоў. Напрыклад, калі неплацельшчык адзін пражывае ў трохпакаёвай кватэры, яго могуць прымусіць абмяняцца сям'ёй, якая жыве ў аднапакаёвай кватэры, без выплаты кампенсацыі, перадае БелТА.
Разам з тым, як падкрэсліла старшыня Пастаяннай камісіі «палаты прадстаўнікоў» па жыллёвай палітыцы, будаўніцтве, гандлі і прыватызацыі Галіна Палянская, «высяляць у нікуды» людзей не будуць. У любым выпадку заканадаўча прадугледжаны тэрмін для пагашэння запазычанасці, пошуку іншага жылля, продажу ўласнай нерухомасці. Кажучы аб новаўвядзенні, прапісаных у праекце Жыллёвага кодэкса, яна таксама адзначыла, што істотна спросціцца працэдура вываду жылых памяшканняў у нежылых, зменяцца падыходы да кіравання нерухомасцю. Яна таксама выказала надзею, што з прыняццем новага кодэксу новы імпульс атрымае іпатэчнага крэдытавання, паколькі банкам будзе прадастаўлена магчымасць праз суд высяляць з іпатэчных кватэр тых, хто не выконвае ўмоў дагавора іпатэчнага крэдытавання.
Галіна Палянская разлічвае, што разгляд праекта Жыллёвага кодэкса ў першым чытанні адбудзецца падчас маючай адбыцца восеньскай сесіі «палаты прадстаўнікоў», але прыняць яго ў другім чытанні падчас гэтай сесіі наўрад ці ўдасца, бо паступае вельмі шмат заўваг і прапаноў наконт гэтага дакумента як ад грамадзян, так і ад розных зацікаўленых арганізацый. Яна перакананая, што прыняць новы Жыллёвы кодэкс неабходна як мага хутчэй.