Бел-чырвона-белыя сцягі ўпрыгожваюць лецішчы менчукоў (Фота)

• 20.08.2010, 17:29

У адным з дачных пасёлкаў Стаўбцоўскага раёна Менскай вобласці на дамах, якія належаць жыхарам сталіцы, луналі бел-чырвона-белыя сцягі.

Фотакарэспандэнт БелаПАН налічыў адразу тры дамы, на якіх усталяваны нацыянальны сцяг Беларусі. Аднак, паводле словаў гаспадароў лецішчаў, сцягоў значна больш. Некаторыя ўладальнікі вывешваннем бел-чырвона-белага сцягу адзначаюць сваё з'яўленне ў загарадным доме.

Адзін з суразмоўцаў БелаПАН растлумачыў: «Мы проста любім Беларусь і маем актыўную грамадзянскую пазіцыю».

Дах аднаго з лецішчаў упрыгожвае флюгер з гербам «Пагоня».