Зарплата галандскага настаўніка ў 15 разоў большая, чым беларускага

• 5.08.2010, 12:23

Беларускаму настаўніку трэба працаваць больш за год, каб дасягнуць зарплаты свайго галандскага калегі.

На якія заробкі зараз могуць разлічваць беларускія педагогі, піша Mojazarplata.by.

Паводле дадзеных Белстата, сфера адукацыі знаходзяцца ў тройцы самых нізкааплатных галінаў у Беларусі. Так, сярэдняя зарплата ў галіне ў чэрвені 2010 года склала 874 074 рубля (290 даляраў ЗША па сярэднім курсе Нацбанка за чэрвень).

Для параўнання: настаўнік замежных моваў, які жыве ў сталіцы Чэхіі, у месяц зарабляе 26 980 кронаў (ці 1 440 даляраў).

Зарплата настаўніка галандскай як замежнай мовы ў Нідэрландах складае 3806 еўра (ці 5 024 даляры) у месяц.