Пратэрмінаваная запазычанасць прадпрыемстваў па крэдытах вырасла на 26,3%

• 21.09.2010, 11:26

Пратэрмінаваная запазычанасць беларускіх прадпрыемстваў па крэдытах і пазыках на 1 жніўня 2010 года склала 1,143 трлн. рублёў.

Запазычанасць павялічылася на 26,3% з пачатку года, у тым ліку на 4,3% за чэрвень, паведамляе АФН са спасылкай на Белстат.

Асноўная сума пратэрмінаванай запазычанасці даводзіцца на долю прадпрыемстваў прамысловасці і сельскай гаспадаркі.

У прыватнасці пратэрмінаваная запазычанасць па крэдытах і пазыках сельгазарганізацыяў павялічылася з пачатку года на 47,2% і дасягнула 489,003 млрд. У прыватнасці пратэрмінаваныя крэдыты прамысловасці склалі 496,357 млрд., што на 17,1% больш чым на пачатак года.

На прадпрыемствы матэрыяльна-тэхнічнага забеспячэння і збыту даводзіцца 93,093 млрд. рублёў, гандаль і грамадскае харчаванне – 14,024 млрд., жыллёва-камунальную гаспадарку – 5,586 млрд., транспарт – 7,846 млрд., будаўніцтва – 2,169 млрд., сувязь – 0,200 млрд. рублёў пратэрмінаванай запазычанасці па крэдытах і пазыках.

У цэлым аб'ём выдадзеных крэдытаў і пазыкаў беларускай эканоміцы павялічыўся на 11,8% з пачатку года, у тым ліку на 3,6% за чэрвень да 65,116 трлн. на 1 жніўня 2010 года.

На долю прамысловасці даводзіцца 31,296 трлн. рублёў запазычанасці па крэдытах і пазыках, сельскай гаспадаркі – 16,527 трлн. рублёў, гандаль і агульнае харчаванне – 4,325 трлн. рублёў, прадпрыемстваў матэрыяльна-тэхнічнага забеспячэння і збыту – 3,933 трлн. рублёў, будаўніцтва – 3,235 трлн. рублёў, транспарту – 1,624 трлн. рублёў, сувязі – 0,977 трлн. рублёў, жыллёва-камунальнай гаспадаркі – 0,807 трлн. рублёў.