НТВ: Саннікаў - асноўны канкурэнт Лукашэнкі на выбарах (Фота, відэа)

• 25.09.2010, 14:46

Расейскі тэлеканал назваў асноўнага канкурэнта беларускага дыктатара на выбарах.

Як перадаў тэлеканал НТВ, увечары 24 верасня ў беларускі Цэнтрвыбаркам паступіла заява на рэгістрацыю ініцыятыўнай групы, якая вылучае Аляксандра Лукашэнку на пасаду прэзідэнта.

Акрамя дзеючага кіраўніка дзяржавы, заявы пададзеныя ад ініцыятыўных груп яшчэ 13 прэтэндэнтаў, сярод якіх і лідар грамадзянскай кампаніі «Еўрапейская Беларусь» Андрэй Саннікаў.

Менавіта ён, паводле прагнозаў беларускіх палітолагаў, можа скласці галоўную канкурэнцыю Лукашэнку і стаць адзіным кандыдатам ад апазіцыі, калі яе прадстаўнікі ўсё ж такі вырашаць аб'яднацца.

Выбары ў Беларусі прызначаныя на 19 снежня, нагадвае НТВ.

http://www1.ntv.ru/swf/vp.swf?link=http://www.ntv.ru/vi205957/&id=205957&num=1