Амбасадар Украіны не будзе ўдзельнічаць у інаўгурацыі Лукашэнкі

• 21.01.2011, 12:31

Надзвычайны і Паўнамоцны Пасол Украіны ў Рэспубліцы Беларусь Раман Бязсмертны не будзе ўдзельнічаць у інаўгурацыі Лукашэнкі.

Пра гэта паведаміў БелаПАН прэс-сакратар украінскай дыпмісіі Аляксей Емяльяненка.

Амбасадар ужо тры дні знаходзіцца за межамі Беларусі, таму на цырымонію патрапіць не зможа. Украіну на інаўгурацыі будзе прадстаўляць часовы павераны ў справах Беларусі.

Раней паведамлялася, што амбасадары краін Еўразвяза таксама праігнаруюць цырымонію. 21 студзеня, у дзень інаўгурацыі, еўрапейскія дыппрадстаўнікі выехалі ў Літву.