Цукар падаражэе

• 25.01.2011, 10:33

Рознічны кошт цукру-пяску вагавога складзе 2990 рублёў за кілаграм, на расфасаваны ў поліэтыленавыя або папяровыя пакеты па 1 кілаграму - 3280 рублёў.

Такое рашэнне прыняло Міністэрства эканомікі Беларусі 19 студзеня. Ад 26 студзеня рознічныя кошты на цукар-пясок для рэалізацыі насельніцтву і мінімальны адпускны кошт для рэалізацыі на прамысловую перапрацоўку павышаюцца ў сярэднім на 10%.

Пастанова прынята па прапанове канцэрна «Белдзяржхарчпрам» і Міністэрства гандлю "ў мэтах кампенсацыі падаражэння кошту цукру-пяску і з улікам больш высокіх рознічных коштаў на цукар-пясок, што складваюцца ў сумежных дзяржавах".