Суд над Бяляцкім можа быць закрытым (Відэа)
- 3.10.2011, 16:19
Еўразвяз і ААН адназначна ўспрымаюць арышт Бяляцкага як пераслед за ягоную праваабарончую дзейнасць, і ягоны арышт звязваюць менавіта з праваабарончай дзейнасцю.
Аб гэтым заявіў сёння ў Менску праваабаронца Валянцін Стэфановіч.
Па ягоных словах, справа Бяляцкага ўжо перададзеная ў пракуратуру. «Ён скончыў знаёміцца з матэрыяламі крымінальнай справы, цяпер пракуратура павінная перадаць матэрыялы справы ў суд. Таму я думаю, у другой палове кастрычніка можа пачацца судовы разгляд па справе», - сказаў Стэфановіч.
«Я вельмі занепакоены сітуацыяй, якая разгортваецца цяпер з Алесем, - цытуе праваабаронца БелаПАН. - Магчыма, улады захочуць правесці закрытае судовае разбіральніцтва. Мы будзем прыкладаць намаганні, па-першае, да таго, каб суд быў адкрытым, а па-другое, каб Алесь быў вызвалены, паколькі ніякага складу злачынства ў ягоных дзеяннях проста няма».