Затрыманыя актывісты «Еўрапейскай Беларусі» і «РПСС»

• 25.11.2011, 17:24

Сёння днём каля станцыі метро «Усход» за вывешванне транспаранта былі затрыманыя актывісты грамадзянскай кампаніі «Еўрапейская Беларусь» і «РПСС».

Затрыманых даставілі ў ГАМ Першамайскага раёна г. Менска. Як паведаміў дзяжурны па ГАМ Невяровіч Павел Іванавіч, пры вывешванні транспаранта з «незаконнай тэматыкай» былі затрыманыя Лыско Сяргей, Рамашкевіч Вікторыя, Шулейка Анастасія і Валіулін Арцём.

Па нашай інфармацыі, гэта была расцяжка «Свабоду Бяляцкаму!». На дадзены момант актывістаў перавезлі ў Першамайскі РУУС г. Менска. Мы працягваем сачыць за сітуацыяй.